Jedna žena (po govoru je parila ka da je odozgara,okolica Zagreba)doli na Sokolanu govori da su nika dica išli pit vodu iz onega doli potoka ča izlazi tika uza plažu i da su ji oni u zanji momenat u tomen zaustavili i govori žena da bi tribalo ništo učinit,možda stavit natpis da ota voda nije za piče ili čako drugo? A gledan ja sad ženu ča mi govori i ne mogu virovat,a do mene Mislav,koji Mislav? (oni ča je na Podvorju sadija kunpire) isto tako cili u čudu se pita da oklen su onda ota dica došla pa jin je palo napamet tote se doč napit?

Oklen su ota dica,oklen su ota dica,a da nisu iz Švicarski Alpi pa su navikli iz potoka se, kad ožednidu napit,a ko če se sitit svega onega ča sve ditetu more past napamet,ali problem je tu.