Jutros okolo deset uri nestalo je struje,a malo iza toga čule su se sirene i vatrogasne aute išle su put istoka našega sela odakle je dolazija dim,govori se kako je uzrok požara žica-kabel od dalekovoda,a sad šta je prava istina pokazat če istraga,uglavnon,to jutros polak sela-zapadni je imalo letriku,dokle druga polovica,istočna nije i dokle su jedni dobili struju koji desetak minuti iza podne,pa tako i ja,zanimljivo je kako me jedan zva (iz Starčevićeve) okolo tri manje kvarat kako on još uvik nima struje,ali je koji minut iza toga letrika i kod njega došla.

E sad po selu priča kako se to moglo dogodit da polak sela nima struje,a polak jema,zašto kad se nima i oni ča su jemali nisu bili bez letrike?
A lipo,ovisi ko je spojen na koju od trafo stanice,ako je zapadni dijal jema struju to more bit da se on napaja sa onega trafa navr bivšega jugovinila,a mi vamo na istočnu bandu,biče dobijemo struju baš odo tamo di je gorilo,a namo uza bivšu željezaru se nalazi isto tako jedna jaka trafo stanica,e a sad ovo zašto je kasnije kad je struja počela dolazit polak Starčevićeve,ovi istočni dijal jema Struju,dokle oni namo zapadni dijal Starčevićeve i ostali nisu i tri ure kasnije struju dobili?
A to je zato,jerbo ovi istočni dijal dobija struju sa trafostanice Pilana,dokle ovi drugi-zapadni dijal dobija struju iz one trafostanice ča se nalazi u selu, taman nasuprot ulaza u Starčevićevu,a i kako je tako brzo došla struja,ako je oto kabela-žice od dalekovoda puklo,a lipo,jerbo su sve ove trafostanice u našemu selu povezane podzemniman kabeliman,recimo učinjen je,nazovimo ga “prsten”.

Za one ča se bojidu kako bi burin koji večeras puše moga opet rasplamsat požar,triba reč,kako če vatrogasci na požarištu nočas dežurat i ako dođe do čega odma reagirat.