Danas okolo jedanajst i kvarat u Marini je planila jedrilica,a veču tragediju su svojom prisebnošču i spretnošču spriječili zaposlenici koji su, kad su vidili da se vatra ne more baš tako lako udunit, odteglili jedrilicu na morsku čistinu,jer bi se u Marini bija dogodija “domino efekt”i ko zna kako bi ta katastrofa završila.

E sad,ka po običaju od skupljenoga svita (dvistotinjak) bilo je razni komentari,a ča bi bilo da vatrogasni brod (DVD Gomilica) nije odma ovde vezan,do a kako ovo gasidu,ča se vatrogasni brod vako odmaka?Ča ne gasidu odo tamo,odovamo,odozgara,odozdala…? A odmaka se bija zato jer kako je brod gorija tako je postojala mogučnost da jedro svakoga momenat padne i da ji poklopi,a ovo ča se brod nije moga udunit,iako je u par navrati parilo da je,pa bi iza toga dim i vatra bili još žešči,objasnija je ovi jedan ča se brodiman bavi jednu biče dvadeset godin(bar če me kad pročita nazvat pa reč da nije dvadeset nego dvajstipet) koji je reka,da ako brod, kad se užge, nisi uspija udunit u pet minuti,ode sve kvragu.Pa zato i nije čudno ča je i uru pa možda i više od toga gorija,neznan koliko,jerbo san ja nakon ure vrimena iša ča.