Naravno,znan kako čete mi reč da jesan navrime ovo meka,ali to namjerno dižen živce oniman koji mi govoridu kako bi ono ča napišen triba mečat u realnomen vrimenu,aha,kako da neču…

Nego bija san u Zagreb onu subotu prije cvitnice i ča me strefilo,a to da tranvaji prema trgu,tj. uopče prema zapadnoj bandi Zagreba zbog niki radov,uopče nisu vozili,auuu,a pa sad ti obađi sve ono zamišljeno nanoge,e i kako san doša na Jelačičev plac-trg čujen niku buku,ka ča odozdala gredu prosvjednici,a to su oni ča su jin se rugali da ji je bilo toliko da nije jema ko ni tabele nosit,a ča bi ja sad triba objašnjavat,pogledajte slike,one ne lažedu,a mora san primjetit i kako ovi skupovi od ljevičari više nisu,ka ča bi se oni sa suprotne bande rugali,skup starčadi,iznenadilo me,tote je bilo puno mladoga svita,roditelji sa dicon…

Ka ča san reka na početku,bila je to subota prije Cvitnice,a pa su se tako prodavale i maslinove grančice,a cijena jin je bila ka da su zlatne,dva eura i to su oni ča su prodavali rekli da se more slobodno birat,ima i oni ča su pitali tri eura za tri-četiri grančice,ali nisu napisali cijenu,ka ovi ča čete vidit na slici,e i onda kad san doša doma,govorin ja njoj,ajme ženo ča smo mi bogati,gleda me,muči,biče misli da je nika zamka,ča je sad,pita,a ništa nikidan smo isprid kuče kad smo ono užižali grane od maslin,zapalili bar jednu pet-šest iljad euri,da kako,eno nako…

I na samome kraju,kad se smračilo,e onda je ulicama,parkoviman,građevinaman…grada Zagreba,zavladala prava bajka,a to sve je bilo u sklopu festivala rasvjete,a da ja sad ovde puno ne pišen,najbolje da pogledate slike.