Na staromen placu od Ajduka u nediju je bija zanji dan četverodnevne izložbe od pasi,jubilarne, jedanajeste po redu, na koju su došli natjecatelji iz cilega svita, sve skupa biče i okolo dvista pasmin od koji jema i oni egzotični ča ji u nas ne morete baš svakodnevno vidit. A koji je to samo biznis okolo pasi moglo se vidit po dudan,pelenan, šuškalican,ogradican, koliciman,hodalican,hranilican,krevetičiman,dekican,lancuničiman,lakoviman za dlaku,nokte… koje pasi koristidu.

I da je šentada završila u moru,govoridu oni ča su se među prviman jučera ujutro došli doli kupat. Mora se reč da su ovi iz opčine odma reagirali,doša je meštar Ivica,ali pošto su cijevi od priobučivalice iskrivljene mora je sve rastavit,pa čedu ji provat dricat i vratit nazad,a kad je več doša onda su ga kupači pitali more li ča napravit oko tuša jerbo za da bi se tušira cilo…