Ono jučerašnje jugo šta je divlje puvalo na gojaču je donilo niku maščuku tako da iako je jučera bija jedan od oni dan kad se je moglo kupat jučera u moru nije bilo skoro nikoga jerbo je ljude bilo straj da se ne infetadu od otega ča je u moru plutalo. I danas je došla nika specijalna auta u koju se oto masno ča je plutalo usisalo i zajedno sa komunalciman očistili Gojaču koja je opet spremna za one ča če se danas poč kupat. E sad ka po običaju selon se odma počelo pričat. Jema dugo godin da se u naše misto ovako ništo nije dogodilo,a puvala su i žešča juga od onega jučera pa se onda počelo sumljat da možda ovo nima kakve veze sa onin brodon Dalmat ili ti ga po novu ča mi znamo za njega Istranka, jahta od Ferdinanda koja se na stotu godišnjicu njegovoga atentata nikidan vadila iz mora u sjevernoj luci sa dizalicon vanka?