Jučera se u naše selo,točnije u Starčevičevoj,mikrolokacija gori di je prije bila pilana,preciznije na istočnu bandu od sadašnjega pogona Kaštelanke počeja činit šator. I to kakvi šator. Naki ka ča ga morete vidit na televiziju kad koji selebriti činidu eventime. Doša je cili šleper i jedan mali kamijončič materijala sa ljudima iz Zagreba koji evo jema dva dana marljivo radidu na postavljanju otega šatora koji kad su ga tek počeli mečat i nije ništo ka obečava,ali iz ure u uru se drastično minja tako da ča se sad tiče unutrašnjosti,a još nije sve do kraja gotovo puno sali moredu zasramit kako je to uređeno.
Da je to postala zanimljiva vijest dana vidi se i po điradama koje Sučurani činidu put vamo i ka ono usput koga ča ga trevidu pitadu,a je li, ča je oni šator gori? A u oti šator če sutra bit pir,a ženi se Peša ,oni ča je prije radija sa razglason,a sad je gori na tehničkomen i govori mi da je tija učinit “ono nešto” je li ka,a vidin po pričama u selu da je i uspija u tome “ono nešto”,jer ovako ništo slično ča ja znan još niko ovod nije napravija.Čovik se eto unaprid ispričava stanovnicima Starčevičeve i svima onima do koji se bude čut muzika,ako u subotu uvečer i nediju do rani jutarnji uri ne budu mogli spavat. Ma samo se Vi lipo zabavite i neka van je sa sričon,a mi čemo ako bude tribat u uši bumbake mečat.

Jučera je to bilo ovako:

Petak:

A ovako je to bilo danas,u subotu ujutro: