Odavna su časne sestre tamo na Lučici,ove starije okolo mene ča san pita od kad su tamo,svi govoridu da ji se sičadu još kad su dica bili,a niki od nji su tamo i u vrtič odili (državni,dok nije priša u đardin),a krcato žen iz sela i okolice ča znadu šit su za šanturicu baš tamo zanat izučile,bila je tu i mala crkvica u koju je moglo stat možda tridesetak svita i ljudi su tote i na misu odili,pa su onda u zanji dvadesetak godin časne tote čuvale stare i nemočne,a koliko su časne bile susretljive govori i podatak kako je u švori stala i jedna familija iz sela,(u konfiscirani dijal kuče)sve do početka sedandeseti, kad su tamo u blizini izgadili svoju kuču,bija je okolo kuče i lipi vrtal,u njemu svega, nima čega sezonskoga nije bilo,a greblje ka po špagu učinjene i nigdi travčice nije bilo,a i cviča je svakakvoga reslo,sve do nazad biče dvi godine,kad su časne išle ča i evo, sad se ova kuča ruši i po nikiman naznakan tote i na parceli do,priko potoka, učinit če se nova građevina u kojoj če bit smišteni popi koji su umirovljeni,eto, to Van je ukratko o kuči i časnaman šta su tote stale,a koje su u našemu selu i te kako ostavile svoj trag.

(Stižedu nove informacije,kuča je napravljena pri osandeset godin 1936,a radili su je Jerkunice.)