E sad bi ja čako napisa,a ča jeman pametno reč kad je dovoljno vidit tabele sa natpisiman ča su ji oni pametni,čija se pamet baš i ne uvažaje,lipo sročili. I od svega je sad najvažnije ote jučerašnje prosvjede ispolitizirat,nebi li na oti način umanjili njijovu važnost,pa je tako u prvomen planu manipuliranje sa brojen oni koji su svojin prisustvon rekli ča mislidu o ovomen svemu ča se okolo kurikularne reforme događa,a u Split u vrime kad se svit sprema za na prosvjed,učinilo je takvo nevrime po kojemu češ vanka izač samo ako ti triba za poč likariju vazest,jerbo je kiša ča se ono reče iz neba i zemlje dolazila (vidi prve tri slike) ,tako da si moga samo plavuritu od otega zaradit,ali,ljudi kad su jin dica u pitanju baš puno i ne razmišljadu o sebi,več jin je u misliman samo njijovo dite za koje nema ča nečedu učinit,za da bi jin u životu bilo ča bolje.
Tako da oniman koji sijedu komentare mržnje ka npr.oni koji gredu u smjeru da su ono jučera na prosvjediman bili jugoslavenčine mogu poručit, da san jučera na prosvjedu bija ponosan roditelj,koji je za svoje dite od sebe učinija jugoslavenčinu,a on koji jema isto tako dite i straj ga je bilo izač da ga koko iz stranke ne vidi na kojoj slici,on je hrvatina kojoj odgovara da naša dica učidu po reformi koja je učinjena tamo nigdi osandeseti godin u ondašnjoj Jugoslaviji, po kojoj me oti hrvatina i nazva jugoslavenčinon, koji san jučera uru vrimena mokar do kostiju sta na onoj kiši za da se više napokon krene sa Hrvaskon reformon školstva koja če se uskladit sa današnjiman potriban 21 stolječa, pa da nan mladost nakon završene škole ne šeta bezciljno sa diplomon u rukan i ne gre u tuđinu trbuhom za kruhom,več svoje znanje primjenjijedu u izgradnju svoje i jedine domovine Hrvatske.