A je bilo beštimanja i grintanja pri jednu dvajstipet daan kad je počela zabrana loženja na otvorenomen,taman onda kad su se ljudi tribali riješit raznoga granja i trave-korova.Ali zato to morete napravit ovi petak,subotu i nedilju,petak je več proša,pa je ostala još subota i nedilja,kako mi je reklo za ovo, nisan virova pa san nazva vatrogasce,jerbo i ja jeman ništo za užgat,je li istina da se petak subotu i nediju more užižat vatra,a je,ali morate jemat na umu da to morete radit samo od šest uri ujutro,pa do podne,a pri toga morate nazvat nas-vatrogasce,tako da znamo da ložite,a dobro,mogu li se sad zapisat da bi ja to sutra učinija,a da najbolje da ja to ujutro napravin,prije nego ča počmen ložit.
I eto,ko ča jema od granj ili takozvanoga korova,more to užgat još sutra-subotu i nedilju od šest ujutro do podne,a pod obavezno,triba pri toga obavijestit vatrogasce i naravno ložite po manje jarpice, daleko od nekoga zelenila koje vatra more uvatit i dobro udunite vatru,ne triba nan uza ove sve pizdarije još da nan i Gaj počne gorit.