Jema več,ovo je osmi dan da je metilo ono bilega bora,dva baluna,plavi i crveni s tin da oni plavi svitli,dokle oni crveni od prvoga dana ne svitli,a onda san večeras okolo sedan i kvarat vidija nika dva kako prčkadu po rastavljačiman,osiguračiman…od ovega stupa na koji je oto nesritnjega baluna spojeno,ka i onega stupa pri ovega,odakle mu dolazi napajanje,do kojega su zaključka došli neznan ali znan da su išli ča,a oto crvenoga baluna je i večeras u mraku,u selu odma priče,ma zašto je baš crveni balun u mraku,a ono plavoga cilo vrime svitli,a ma to je slučajno,ništa nije slučajno,ma kako nije,vidi da ni ota sviča ne svitli,a kako če onda balun,lipo,neka ovega crvenoga primistidu tamo di jema struje,pa če svitlit,a ovega plavoga držidu u mraku…,asti ko če sve dosjetke ovde sad napisat,moga bi do sutra.

Šta se tiče starega kanpanela na kojega su se jema dvi godine mekle nove rasvjetne cijevi i ondašnje govorancije kako to jema garanciju od deset godin,svjedoci smo  kako je to bilo u početku  škrokalo,a lani je to bilo,meštri dođedu,ništo prčkadu,gorilo bi,pa bi onda išli ča i pristalo bi gorit,pa bi onda nikoliko dan gorilo,a još više dan nebi,katastrofa,na kraju kad je prestalo gorit više se niko nije ni pojavija za to sredit,e i ča sad,a ništa,da bi jedan dan tribala doč dizalica i da bi sve spojeve tribalo provjerit i vidit o čemen se tote radi,jerbo da je,ča se osigurači,sklopke ili neznan več čega u kanpanelu tiče,sve u redu,znači nigdi je vanka oti kvar,a sad se nameče ono logično pitanje,znalo se da se užežin godišnjice bonbardiranja našega sela ota svitla na kanpanelu palidu,a isto tako se znalo da je lani sa otin osvitljenjen bilo veliki problemi i da ji na kraju nisu ni uspili osposobit,a zašto se onda ove godine nije na vrime uvatilo sređivat oto problema,to je pod jedan,a pod dva,ako je u samomen početku bilo problema okolo ote rasvjete,prošle godine non stop,a garancija je tolika kolika je,a zašto se onda to sve ne itne ča i mekne novo.