Jučera su se u naše selo dogodile maškare,ka i lani povorka je krenila od Sokolane prema mulu,eto,ovo pandemijsko vrime sve je izokrenilo,pa ni maškare nisu po normalnu,kakve znadu bit,ali najvažnije je da su se,kakve takve,“mršave“ ipak dogodile,nevalja gubit običaje,zašto propustit ovi ludi zeman u godini kad se muško obučije u žensko,žensko u muško,kad se pritvaradu u švore i pope,oni zločesti očedu bit dobri,a oni drugi zločesti,kad vatrogasci prolijedu benzinon i užižedu vatru(paljenje krnje)… evo za one ča nisu doli bili odma na početku ču reč da je bilo zima za popizdit,copy paste od onoga vrimena lani,a u maškare su nan došli Kanbelovčani sa slikon pira,a isto tako i Sučurani su imali točku koju su vrlo slikovito,do u detalje prikazali,vinčanje najpoznatijega selebriti para kojin su nas pri nego se dogodilo, kad se dogodilo i nakon ča se dogodilo,“ bonbardirali i bonbardiradu“ sa svi stran,nima novine,portala,televizije,radija… di se nije spominjalo,a i još se oba tomen govori,pa je u jednoj od sliik prikazan i Đoković kojemu je bilo zabranjeno igranje u Australiji,nasrid Sučuraške Rive doslovno je ispa iz traktorske prikolice i uvatija se servirat (itat loptice) u povorci je prošla i cila pjejada poznati političari,ali na slikan to ne morete vidit,gađalo ji je jajiman,naravno,onima od stiropola,na jednu od slik čete vidit ota jaja doli na podu,a i pravoslavni pop je isto tako proša,štitoviman ga je čuvala milicija,a onda se na kraju povorke ukaza ON,krnje,koji je ustvari bija top na kojemu je pisalo HR-TOP-SREDNJEGA DOMETA,koji za municiju koristi jaja,a na otemu topu je bila i fabrika od municije,kokoše,naravno,kako to u nas več ide,dokle su jedni govorili kako je to jedan od bolji krnji ča se dogodija u naše selo,pogođen samo tako,drugi su govorili,neš ti,ka malo se pizdarij u ovu godinu daan dogodilo,moglo se puno toga drugoga za krnju izabrat,ali ko bi sviman udovoljija,neka ova godina vako, a dogodine,ča bude.