I to nasrid sride rive,točnije onu novu koju su mekli tamo di je bila ona stara koju su bili makli  jerbo su tote mislili ukopat oni podzemni kontejner,e i nije otega bilo briga oče li ga koko vidit,jerbo nakon ča je otu klupu odvida,a nije se fala bogu pomučija,jerbo su vide i matice bile lipe nove,a ne ka na oniman drugiman,grube i ruzinave,tribalo je otu klupu i odnit,a sad jeli je oti meka na krkače ili su je odnila dvojica među ruke,meklo na krov od koje aute,uvalilo u auto,meklo u koju prikolicu,konbi…zasad je to enigma,jedino se zna da šentade,onamo di je jučera stala,jutros nije bilo.

Ali mirakula nikad dosta,nakon čuđenja kako nima šentade,još veče čudo je bilo kad su odma danas na isto misto mekli novu,e dobro ste čuli,donilo je i meklo zamjensku…

Je bilo zlamenjivanja…

Evo ovde ču stat,a Vi sad sami sa sebon raspravljajte…