Nakon ča su prošle sedmice doli na Sokolani iz mora bageron vadili ono stinj ča je iza nas ostalo,jučera su napokon donili žalo i u moru ga i po plaži rasuli,nadan se da je oto žala uspilo pokrit ono stinj šta je u moru još uvik ostalo.
Pita san ljude šta su doli radili,jesu li jin rekli da itnedu malo žala i tamo di su skale,a da nisu,a bilo bi dobro da to učinidu i jesu.

Inače ka šta to inače biva,nije prvi put da se ovde u nas okolo plaže radi onda kad je sezona kupanja več odavna počela,sriča da je jučera bilo čudnjikavo vrime,sa buron,pa na plaži nije bilo toliko kupači ka dan-dva prije,a ovi ča su bili,svi stranci,su u čudu gledali šta se okolo nji događa,pa su vadili mobitele i to snimali,a baš me zanima koji su naslov napisali uz snimke koje su okolo svojiman prijateljiman,rođaciman,znanciman…po Evropan i bilomen svitu razaslali.

Vidičete ove dvi kupačice šta su ležali na plaži kako su se skupile,a i ovi ostali isto tako.

Naravno,po selu se nakon ovega jučerašnjega događaja opet pisalo o naman ka zanjoj rupi na sviralu i opet su spominjali MO i da di su nan te promjene,a puna justa su nan bila,kako više neče bit ka ča je bilo itd.itb…