Pa ka od jučera je ova vijest,palo je oto stupa jema,a stavičemo dvajstipet daan,iako u priči po selu jema oni ča govoridu i misec daan,a ima ji i ča in pari više odo toga…
Ka ča čete vidit na sliku,pa je jer ga je izija zub vrimena,ča oče reč doli u dnu je izgnjija,dobro je da nije koga poklopilo.

Ali to nije sve,nakon ča je pa,meklo ga je na ono kamenoga zida od ono takozvanoga parka,e i tote je bija sve do nikidan,(dok nije nesta bestraga)to je oni dvajstipet daan o kojima san več gori govorija,a sad se vratimo opet na onu priču od nikidan i zidu na rivi koje ga je od kako je pa u tri dana novoga učinilo,a ovde u nazovimo ovi naš park,kad meknedu novi stup i dođe rasvjeta,neka nema veze i onako ovi novi mobiteli jemadu lanpadine,a za one ča jemadu one stare mobitele,neka se snalazidu kako ko zna i umi,a i šta jemadu tote prolazit,neka gredu tamo di je svitlo…

I sad za one ča mislidu kako se do sad moglo meknit novi stup,osvitlit…,triba najpri poč u šumu i nač drito drvo ubrat ga od njega učinit stup pa onda…