Gren ja selon kad niko za menon viče,a ča je, oli si se samocenzurira pa više ne pišeš ono šta vidiš? A ča je sad? A šta bi to po tebi tribalo napisat,a ja to nisan učinija pitan ja ovoga? A ništa pišeš o zastavi na Marjanu,a od onoj ča visi na staroj anbulanti ili ti zgradi o Mjesnoga odbora ništa. A ča je sa njon? Oli su i nju ukreli? A nisu je ukreli,ali je lipi dijal fali.
A ča su onda samo je dijal odnili pitan ja ovoga? A da neka gren kvragu i ča ga zajeb*jen i da iden vidit ako ču vidit,ali vidi on da od toga nima ništa ne želi se niko zamirat.Aj pak. I eto pošto se ja ne želin zamirat ovo šta ste pročitali nisan ja napisa,a i ovu sliku šta je vidite je učinija aparat,ne ja. Odnija vrag i zamiranja,a ka da san ja sad ovo izmislija ili učinija fotomontažu?
Slika san zastavu meka je ovde i sad če mi ko zbog toga zamirit? Ajme čudnoga svita? Ka da ču ja sad ulazit u to po kojima parametrima ko računa na koliko posto zastava triba doč pa da je se promini? Ja se u oto ne mišan.
Google
3,611
Je li je triba ili ne triba prominit?
Datum:May 31, 2013 12:42 am
In category: sucurac
Prethodni post: Izvišeni su spiskovi upisa u vrtiče,Ali?
Slijedeći post: Zar opet?
aj do 1.7.ce nekako izdurat
Čuja san da se po fejsbukoviman razvila teorija zavjere okolo tempiranja priloga o zastavi na zgradi o stare anbulante. Ne,nije, kad se ništo dogodi vidiš nešto ili ti koko reče za čako onda je to vijest,a vijest triba plasirat odma po njenome saznanju. I za one ča tako mislidu bi reka da ova zastava šta sad visi na staroj anbulanti je bila i u mojima rukan,ča oče reč jedan put san odispod zastave bija parkira auto i Zoran mi je zva ženu na mobitel da makne auto jerbo da triba minjat zastavu pa da čako ne padne,a ona je zvala mene jerbo san ja bija sa auton i kad san doša vidija san Zorana na balkonu di je provava okričat oni stup od zastave pa nije uspija i onda san i ja doša gori na balkon pa smo ga u dva provali maknit i nismo uspili,pa smo odustali da bi Zoran reka da če se javit da dođedu sa auton košaron za meknit je jerbo se odozgara nije moglo. I kakve sad ima veze ova moja priča? A nikakve.
Mislin da i sutrašnja obljetnica 141 brigade kojoj je spomen ploča ispod zastave mirita da se zastava promine.Svim pripadnicima 141 brigade čestitan njihov dan i da im sutra na Malačkoj bude lipo vrime.
Kako nisi stavija da se po selu opet skidaju plakati??
A čiji su sad pali? Ima li koko slike?
Berket-Udovičić: radio sučeljavanje za Gradonačelnika Kaštela na koje Udovičić nije došao
http://www.youtube.com/watch?v=3-vX1f-_xWE&feature=youtu.be