U organizaciji Sučuračke Udruge navijači Hajduka ovu subotu je na Gojaču održana Hajdučka noč,za zabavu se pobrinila grupa Viva,a za one najmlađe doša je i Rico,a ča se tiče spize,e tote nisi moga reč,da nisi ništa izija,jerbo ti nije bilo po guštu,jer pored pizdic na buzaru,junetine sa bižiman,čovapčiči,hobotnice sa bobon,tunja sa gradel,crnega rižota…nikako nisi moga ostat gladan,a pa je onda bila i lutrija di se mogla dobit stolitarska bačva od inoxa,pršut,dres od Hajduka,balun…,a u ponoča je bila bakljada sa veeelikin vatrometon.

Eto,onako po školsku nabrojeno,zanji put me napalo,da kako san moga napisat da je prošlogodišnja Hajdučka noč bila najbolja fešta u selu,pa ču ove godine ostat suzdržan u “ocjeni”,a ča se tiče toga čija je fešta bila najbolja,mjerilo su stanovnici našega sela,a ča se mene tiče,mogu ispast i subjektivan i objektivan,ovisi ko gleda i kako komen odgovara za priokrenit,ono ča san reka…E.