Ono kako je sve do ove godine bija oni jedan tuš,pri tuširanju si mora držat kosu da ti je od pritiska vode ne odnese,a sad kako je zamisto otega jednoga,ove godine meklo dva tuša,jednoga na južnu,drugoga na sjevernu bandu plaže,govoridu oni ča se doli kupadu da voda iz nji gre na kapaljku,dobro,nije baš na kapaljku,jerbo je to rič za jedninu,več moremo reč npr.,ka iz tridesetak kapaljki i zamisto pritiska vode,kapi zamalo,pa gredu slobodnin padon i tako isto gre na onemu doli,ka i na onemu gori tušu,diko bude mala razlika,ali radi se od nijansaman i isto tako bude radija jedan tuš ili oba,ili na jednomen od nji,prskalo iz jednoga oli iz oba sita…i cilo vrime su oni ča se doli kupadu,mislili kako če to doč koko popravit,jerbo kad su ji mekli,sigurno su pritiskli ono ventila za vidit kako radidu,a mala je vjerojatnost kako je to njiman valjalo,a kad su išli ča,onda se izvitoperilo,kako ono ide,”drži vodu dok majstori odu”…

Evo na ovu doli sliku morete vidit kako je jedan gospodin-kupač izveja prezentaciju,kako to sa tuševiman izgleda,a mora se sakrit da Van umisto na kapljice iz tuša,pogled nebi letija prema njegovomen torzu koji je poput onega od Apolona i zaludu onda i slika koja govori iljadu besid i sve ono ča san ja ovde sad napisa: