I dok čitan kako u Donja Kaštila ljudi govoridu da se još nisu oporavili ni od one zanje plime,ča je bila pri petnajst daan ča jin je isto tako sa jugon došla,ka i ova večeras,Sučurani,točnije rečeno stanovnici starega dila sela se ne moredu sitit kad su u ovi protekli misec,zanji put mirno spavali,ustvari,kako mi ovi govoridu,da jin je u kuči ka u vojsci,napravili su raspored i uvik je niko požarni (požarstvo u vojsci=dežurstvo),a i sa oviman ostaliman ča san priča,svi su atento,ovi jedan mi govori da svaku uru navije sat izađe vanka i gleda nivo mora u kaleti,a jema ji ča su skoro pa cilu noč budni pa po danu bavuljadu,ne moremo više vako,ovo nije normalno,govoridu,pa ima li ovemu kraja,tako da se oporavljanju i normalizaciji od ove situacije moredu nadat kad dođedu malo toplija vrimena,jerbo su jin podovi,zidovi,mobilja…,mokri,a kad izbacidu more iz kuče,ostaje in vlaga,a znamo da je vlaga vrag kad se u kuču uvuče,a pa tako jadni ljudi,neka je vanka zima,oni držidu rastvorene ponistre i vrata i ventadu kuče,zamisto da se u njiman grijedu…

Samo se nadan da čedu falit sa prognozon,jerbo nočas zovedu veliku kišurinu,a to baš nije dobro,jerbo iz raštel u kaletan koje bi tribale služit za odvodnju,več misec daan,ka i večeras, ulazi more,a isto tako prognoza spominje i okričanje Juga na Lebič,a Lebičada je ta koja u selo zna napravit dar-mar…

A evo i slikoviti prikaz,pa se nameče pitanje,kako bi dica po ovakviman ulicaman tribala odit????

A za one ča i dalje mislidu kako se i u nas ka i u Donja Kaštila kalete punidu moren zato jerbo se more vanka izlije i u kalete ulije,evo slika demanti: