Ovo kako je učinilo nevrime i pa snig svugdi okolo nas,a kraj trečega je miseca,odma su počeli, da kako se ne panti ovako ništo u nas u ovemu zemanu,a ja oviman,da kako je pri koju godinu ovod u selu u četvrti misec snig pa,samo ča me nije izilo,ma vidi pametnjakoviča,mudrijaša,ajde Vakula u sve se razumiš,bla,bla,truč,trač,e i sad san se ja š njiman triba karat,a kad neču,evo Van na crno na bilo,a pa kad me u selo trevite,siguro čete mi reč kako san bija u pravu,aha,je,je kako ne…,pa ko to more platit 😀

Naslov:
Od kako se prati vrime nije zabilježeno da je u četvrtomen misecu na našemu području ikad pa snig
Written by:admin
Written on:April 7, 2021

Priroda nan je još jedan put pokazala da protiv nje nikako ne moremo.
Prošle dane smo se golacali,a onda grom iz vedra neba,prognoze su govorile da je snig moguč i na moru,naravno,odma su počeli razni komentari,pljucalo se na prognozere,ali su sinoč ipak svi bili u iščekivanju sedan uri uvečer kad su najavili oto nevrimena koje če se počet događat,a bilo je na brzinu i puno gadno,ka da se je Armagedon dogodija.
Mali Vakula je čak iz ure u uru pisa,sad če se dogodit ovo,sad če se dogodit ono i pogodija je.
Naravno,ova nesritnja fronta dogodila se u najgore moguče vrime,kad je sve propupalo,iz zemlje cviče, povrče… izašlo,e onda kad ti oni iz kancelarije govoridu,kako ljudi ne obrađijedu zemlje i još jin dajedu savjete kako bi to tribali činit…,a u životu nikad nisu niti u pitar cviče posadili,gleda san sinoč jednoga čovika ča jema plantažu vočak,plaka je i činija sve ono šta misli da bi mu vočkama moglo pomoč,pa je tako zapalija vatre,stavija velike ventilatore koje bi toplinu tribale po vočnjaku raširit,a nije jedini,ali ko ga…
Rečedu pametnjakoviči, ko mu je reka da se sa otin bavi.
A sad koliko če ovi led učinit štete neznan,ali ovo ča san isprid kuče vidija,list od smokve je bura lipo istriskala,ka i cviče sa vočak,a ča se tiče kunpiri,biži… kako sad pari nije im ništa,a šta če se dogodit sa vočkama,vinogradima ča su propupali…,vrime če pokazat.

Koliko je sinoč jako puvalo morete vidit na dvi zanje slike,kako je prikolicu od kamijona iskrenilo,a pitanje je di bi se ota prikolica zaustavila,bi li doli u Starčevićevu ulicu završila,da s južne strane nije bija kamijon na koji se naslonila?