Ovo mu je treči put.

A kako to več u nas biva,jednima je drago ča je doša,oviman drugiman nije,trečima je svejedno,četvrti pitadu kad če poč ča…

Je li baš triba ovde doč ,zašto je baš triba ovde u nas doč,koliko če ostat,oče li nan ko zbog toga,oli neče, zamirit…

Svašta se u pričaman more čut,a počmen li,morat ču onda puno oni bi.biiip-ov napisat,pa se bolje toga ne vatat,jerbo je puno toga rečeno,a ne baš u lipomen kontekstu…

Pa su se javili iz Građanske inicijative kako nije baš dobro da se sad prid Uskrs,kad se kreče sa turističkon pred sezonon oto broda nalazi ovod,itd.itd.

Inače oto broda ča nan je doša,je u stvari nosač avijoni,največi od svi,dug je trista i trideset metri,jema dvajstipet palub,četiri ipo iljade članov posade,a košta je nigdi okolo trinajst miljardi,koja stotina milijuni gori-doli…

Da dokad če stat?

A stat če,dokle ne bude iša ča.

A da je živ,sigurno bi i Miljenko jema čako o ovemu nosaču avijoni za reč…