Sutra- ponediljak prvi dan u našoj školi Smjeni B (3., 5. i 7. razredi) škola če bit od 8 do 10,30 h
smjeni A (2., 4., 6. i 8. razredi) škola če bit od 11 do 13,30 h

Isto tako sutra-ponediljak 02.09. 2013g. svečani prijem učenika prvih razreda bit če na školskom dvorištu u 18 sati.

Od utorka raspored je uobičajen, za jutarnju smjenu u 8 h, a za popodnevnu u 14 h.

Roditelji jeste li spremni za novu školsku godinu? Evo na par naputak kako morete dici učinit nedostupnon ovu pustu tehnologiju koja jin zaokuplja pažnju i zbog toga manje provodidu vrimena za knjigon,ako ga uopče i provodidu. Ova jedna mater je pošto su jon dica po cile dane visila isprid DVD-a svaki put kad bi išla radit sa sobon nosila duzinu devedeov,a dica bi svaki dan nabavljala druge,e pa kad je to nakon par miseci svatila onda jin je svaki dan istikavala kabel i nosila ga sa sebon na posal,ali dica su nabavili i novi kabel,pa onda daljinski i to su nabavila i na kraju nije bilo druge nego bi svako jutro vazela DVD i mekla u porta pak od aute.Pa onda jema oni ča bi kad bi izlazili iz stana sve daljinske iz kuče potrpali u poštanski sandučič. A sad je to malo teže jer npr.uz oni statični konpjuter kojega moreš šifrirat postojidu i ajpedi i tableti i laptopi tako da jema i oni šta svako jutro sa sebon kad gredu na posal pokupidu punu boršu elektronike,ali i to je zaludu jer danas dica jemadu one pametne mobitele tako da ono ča su naumili učinit če du na njiman. A zašto jin ne zaplinidu mobitele? A kako če du se onda s njiman svako malo čut? Ma kako smo mi uspili u ono naše vrime priživit? Ni oni najobičniji telefon nismo jemali.

Vozači pripazite malo više kad ste za volanon jer če od sutra ulicama prolazit kolone dice,a neki od nji če se po prvi put susrest sa prometon i zamisto nji moramo mi mislit.