Još tamo prošlu sedmicu doli na Rivu nan je meklo ono nacrtano jaje,pa je odma počelo,a ča je sad ovo i jaje su nan prid izbore mekli,a zanji put je to bilo pri osan godin,a ovi drugi govori da nije nego pri sedan godin,a ma čekaj malo,uključija se treči,ta jaja su nacrtana 2013 godine,sad je ovega napalo,ma vidi pametnjakoviča,sve znaš,a ovi jin je pokaza na enciklopediju (internet) evo na vidi…

Ali to u Kaštiliman nikoga ne zabrinjava.

Ovo kako je jučera primostilo prvi od tri pješačka prilaza priko Magistrale,uz ovoga Gomiličkoga ča čete ga vidit na sliku,još su u izgradnji oni u Lukšiču i u Staromen,fermajedu me u selo i pitadu da kako to doli ote prilaze radidu,a ovde kod nas ne radidu. A ča ja sad na oto mogu reč, nego ponovit ono ča san več bija napisa,prošle godine krajen desetoga miseca kad smo Željan i…

Ovo kako gren na biciklu doli do Kaštili vidija san ništo čudno na jednomen stupu ča do sad nije bilo,kad ono antena od wi fija,ne bija lin pogledan ja na mobitel i je,pokazalo mi je na dva mista,na jednomen mobitelu je ispisalo,TestK,a na drugomen Grad Kastela. Inače Kaštila su jedan od 336 gradov i opčin u Hrvaskoj ča su iskoristili akciju Evropske komisije i dobili vaučere za besplatni bežični internet.

Puno nji se uvatilo,ma vidi ča smo bogati,najpri je mečalo jednu vrst ograde pa sad to skidadu, za da bi meklo drugu vrst ograde. A tribalo je to več bilo odavna napravit,a ne čini se ovo iz nike obijesti,več zbog sigurnosti u promet,jerbo se događa to da kad ne radidu semafori onda vozači za izač iz pravca sela prema cesti jemadu velike probleme,od gusto napravljene metalne ograde uopče ne moredu…

Sinoč je u svaki Kaštil pivala po jedna klapa,muška oli ženska,a pošto smo ja i Ona kroza Kaštila prolazili biciklan uspili smo poslušat klapu Cambi ča je pivala u Kanbelovcu,Sveti Jeronim u Gomilici i Klapu Podvorje u Sučurcu.