Večeras je u Gospe od zdravlja koncertom skladbi od fra Bernardina Sokola počelo trodnevno obilježavanje 130 godišnjice njegova rođenja. Tako su izvedeni Angelusi koje su otpivali Antonija Teskera-sopran i Špiro Boban-tenor. Posli Angelusa je otpivana Missa Jubilaris koju je izveja Zbor i Okestar Spliskoga HNK-a, uz Antoniju Teskeru-sopran,Tereziju Kusanović-alt,Vinka Maroevića-tenor i Matu Akrapa-bas,a sve se odvijalo pod ravnanjen dirigenta Ive Lipanovića.

U subotu se povodon 8. Marča na Spliskoj rivi plesala Zumba,a prisutniman se pridružija i Rico,Hajdukova maskota koja je bila glavna atrakcija.

U sklopu dičji maškar ča su  u nedilju bile u Splitu, rivon je prodefilirala i skupina iz Tugari koja je u svojoj točci zorno prikazala život na selu. Pa je bija tote i učitelj i pop i škovacin i poščer i oni ča prodaje novine i konoba i kužina sa zdravon spizon ča se kuvala u loncu na trinoge,pa je jedno dite vikalo,ajme mama ča ovo miriše,pa su tote bili…

Evo je izletila i ova godina daan i ovi petak je održana Noč muzeji,trinajesta po redu,koja je bila u sporskomen duhu,a največa gužva je bila u prostorijaman od našega Ajduka,to je bilo mašo,najpri se misto za parkirat najmanje dvadeset minuti tražilo,a unutra se lizlo puževin “korakon”,gužva uza skale niza skale,hodniciman se odilo utreso,a tamo di su ventrine od pehari su pojedinci skakali za vidit,jerbo od oni ča mislidu da samo…

Danas popodne u četiri manje dvadeset na Kozjaku je krenila lavina od stinj.Bilo je taman nas par doli na Mulu,kad je najedan put počela nika velika buka,parilo je ka da od nikud dolazi oni avijon iz Prvoga svjeskoga rata,avijona nigdi,na moru isto tako,a onda se najedanput točno ispod vojske, kroza ono točilo pojavija veliki oblak prašine i onda smo svatili da se odozgara odranjadu stine, odlomija se malo veči komad…

Večeras je na pedesetu godišnjicu Spliski Peristil opet pocrvenija,naravno,u odnosu na onda kad su to učinili pituron,ovi put je to napravljeno reflektoriman. Na ti način su 1968.godine, protagonisti-nji osan tili pokazat revolt,šta se danas naziva perfomanson.