Evo ovde doli ota originalna slika iz Monografije

Bome,više se ni karta za zahod ne gre u dučan kupovat,več je naručidu da jin dođe doma,a nikidan san u jednomen dučanu vidija jednoga dostavljača koji je doša po čikoladu od deset deki,ustvari više nima oni od deset,več od osan deki,pa se moraš zapitat,koliko je otega ča ju je naručija,došlo za platit oto čikolate?

A to sad razbijedu da bidu,napokon,napravili kosine za da bi ljudi sa koliciman,ka i oni stariji,a i svi ostali ča jemadu problema sa gnjatiman,koliniman,kukoviman…mogli bez priskakanja skalini od korniža prilazit priko zebri.Samo se nadan da čedu ovin potezon,kad su se več uvatili, sve ono ča tribadu,a tiče se pješaci i preprek,učinit.E.    

Kako je krenilo,mislin da čedu skoro tribat i semafore meknit. Jema več i misec daan da su tamo na Ploče-istočno od groblja,točnije prije onega,betoniranoga puta ča gre prema Gaju,mekli znakove koji upozorajedu da se vozi dvadeset na sat,ka da more više, na moguče kolone puten ča gre prema planinarkomen domu,na radove,na ugibalište da se more maknit kad vidite konvoj koji gre put nizdol ili uzgor,a isto tako i na opasnost…

Govoridu mi da je to bilo rano ujutro. I evo to sad vako izgleda: Dokle su se jučera zbog ruvinane plaže kupači kupali u evo ovakvomen moru:

Kad se nađete tamo di nima svjetlosnoga onečiščenja šteta je ne potrošit koju uru vrimena u promatranju nočnoga neba sa milijardu zvizd i mlječne staze koju ovde u nas nikako ne moremo vidit. Pošto se baš nisan sa opremon za ovu priliku pripremija,(trinoge,raznorazni stalci,objektivi…)pribjega san partizanskomen načinu snimanja,a to je ono,snađi se kako znaš i umiš sa onin ča ti je pri ruci,pa če te vidit šta je odo toga…

Jema nigdi okolo sedan ipo miseci kako je ona plakatjera za osmrtnice tamo kraj bivše stanice od Duje poklekla zubu vrimena,izgnjijala u temeljiman i evo u kratkomen vrimenu,smo dobili novu,doli jema željezne stope,neče više izgnjijat… Vako je sad A ovo je slikano nigdi okolo Božiča

U petak ujutro su opet nasuli žalo na ono zemlje ča se počelo pojavljivat na plaži nakon valov ča ji je činija donji vitar.Čak su po selu krenile i oklade,koliko bi vrimenski to sad moglo ovako izdurat,a ja neznan ča su ljudi tako skeptični… Evo,to sad vako izgleda: A bilo je ovako: