Evo se je jučera dogodila i jubilarna,petnajesta po redu utrka kariči u našemu selu. Ovi fenomen bi tribalo proučavat,da se ovoliko svita od oni najmanji,pa do oni najstariji skupi za gledat one ča se vozikadu na komad daske na koju su mekli nika željezna kola koja stvaradu nemoguču buku i to sve bude gotovo u sedan minuti,dokle prvi od natjecatelji prođe kroz cilj. I ča je još zanimljivije,samo desetak minuti…

Evo san ja pinkicu osvitlija 😀

I ovu se godinu tradicionalno na badnjak doli na rivu u Matele dilija bakalar,oni na bilo i oni na brujet,a bome planija je ka šunferina,dokle san dolazija počeli su odma vikat da san okasnija,asti,a kud ga je prije izilo,moga san samo slikat polizane teče i zadovoljne goste koji su nakon spize i dobroga Matelinoga vina zapivali.

U subotu su članovi moto kluba Uspomena na rivi kuvali Fažol i kripice (tripice) i kako govoridu ovi ča su jili,da se od fažola i teča lizala,a posli tripic da je tribalo sa otvoreniman ustiman trčat uz vitar (jema bit da je malo ka pobiglo 😀 ),ali bilo je tote i piča pa se je na licu mista odma “gasilo”.

Učinija je lipi dan bez kiše,nije bilo ni zima,a na Spliskoj rivi iako je subota i to predblagdanska iznenađujuče malo svita.Na pozornici se u sklopu zimskoga akvarela pivalo,dida mraz je šeta sa jednon veeelikon vričon iz koje je vadija darove za dicu,žuti prsluci su,ka ča su to prošle subote najavili,opet izašli na ulice,jedan komični žongler je zabavlja sve one koji su se tote zatekli…

Sinoč je u vatrogasciman bilo baš veselo,to je več postalo tradicionalno da prid Božično Novogodišnje blagdane Dida Mraz dici dili darove,ali ovi put se nije spušta u saonicaman,nego je doša karon,a pri ulasku u dvorište pratija ga je snig,ma ča snig,to je bila prava mečava,a bilo je i vatrometa.

Vidili ste nikidan ča su one bube učinile palmi isprid škole,sataru je tako da u sredini ostane sama pilotina i onda jednostavno padne sama od sebe,e,a sad pošto znamo da Marfi nikad ne spava (mislin na Marfijev zakon),mala je vjerojatnost da se pri padanju oti palmi neče dogodit koja dežgracija i da neče koga poklopit,ali zato triba ono ča se reče,radit preventivno i sve one palme ča su se osušile…

Bome,nisu je štedili,učinili su je u papar. Ove slike su mi poslali.

Jučera je Ivica Matković ima prilično zahtjevan posal,jerbo je ono stablo isprid škole lipo nareslo,a jedini način da ga se skreše bija je, da to napravi neko kome je penjanje na visine šala mala. I naravno,po selu je odma počelo,a ča triba plačat posebnoga čovika za rizat stabla,oli to nisu mogli učinit oni iz Komunalnoga pogona. Nisu. Ka ča san več napisa,posal je bija vrlo zahtjevan i opasan,a sve takve…