Ja san,e nisi ti nego ja,ma di si učija matematiku, nisi ti nego ja,nije nego ja,ja,nije nego ja,ja,pa opet ja…,a kad ono nisu pobjednici oni sa 59 glasov,nego oni ča jemadu 19 glasov,a kako? koja je to sad matematika?a eto ta,glavni pobjednik izbori je oni bez kojega niko ne more formirat vlast,eto ko. Evo na, završili su i ovi izbori i zamisto da se sad sve lipo smirilo, tek…

I ka ča ste to mogli u ovu subotu vidit na televiziji Lana Rubelj pivala je u finalu RTL-ovi Zvjezdic u kojemu je između okolo iljadu prijavljeni došla u najuži krug od nji dvanajst,a tek jon je osan godin i kako su to članovi žirija rekli,a i mi sami vidili, Lana je čudo od diteta i ka ča san več prije bija napisa, opet ču ponovit da je Lana več…

Za one ča i dalje neznadu ovo gori na slici je Sučuraški prirodni (sunčani) sat po kojemu su se naši stari ravnali,a popularno je nazvan “klini”. Od danas se počimlje računat po zimskomen vrimenu (sat se miče uru nazad) tako da če se zamisto u šest od danas počet smračivat u pet uri popodne (bljak).I nemojte zaboravit da sviče na autan tribadu cilo vrime gorit,ne palite auto sa svičan jerbo…

Nije to baš lako,proč koju iljadu kilometri za doč na željeno odredište i onda te umisto lipoga vrimena dočeka burica i oblačno,ali pošto su to prilično lipo platili,onda triba iskoristit svaki sekund na moru,pa su tako ovo dvoje koji su ko zna odakle došli,iako je bilo ladnjikavo, dan proveli na plaži pokriveni sa dekon.

Ovu prošlu sedmicu na sve bande se bralo grožđe jerbo kako ovo zovedu niku prominu vrimena i kišu ljude je straj da uz put ne svrati i krupa i sve gre kvragu pa ča je siguro,siguro, neka stoji u konobu,a i nima se više ča čekat ovo lito je lipo bilo upeklo i gradacija mu je u odnosu na lanjski osamnajst jerbo je cilo lito padala kiša,ove godine 21 grad.Jučera…

Tako je to kroz život,nikad ne moreš svi od bote namirit,a tako je to bilo i prošli nikoliko dan kad je bilo nadprosječno vruče čemu je doprinila južina koja se uvatila ka luda puvat,tako da je bilo oni ča su odma ujutro čin bi se digli mrzili sebe i sve okolo,nikomen ništa nisi moga reč,svi su bili nikako grintavi,pusti me stat,a oni ča su išli na more se malo rasfriškat…

Razvila se priča okolo cijene omendul koja je kako di, nigdi 140,130… kuun i nikome nije jasno kako je cijena tako skočila i drži se,a onda je čovik šta radi u Šveskoj vazeja mobitel u ruke i ništo čeprka po njemu i govori,evo na koliko je u nas omendula i pokažije na mobitel di se vidi da je kil 79,90 Krune šta je po našu nigdi okolo 74 Kune i…

U ovi petak u šest ipo uri popodne u našemu selu,doli na rivu isprid Bobisa biče svečano otkrivanje spomenika poginulima Hrvatskin braniteljiman koji su krenili iz našega mista u obranu Hrvatske i više se nikad nisu vratili i bilo bi lipo da se skupimo u velikomen broju i na ti način im izrazimo zahvalu za sve ča su učinili za da bi mi danas mogli uživat,a puno su učinili i…