Danas popodne u osamnajst uri i trideset i osan minuti nastupilo je lito. A reče koko je lito,red sunca,red oblakov i eto odma se uvati sivat i grmit i počme padat kiša,nezna normalno,nego pari ka da če se nebo na zemlju srušit,pa je nikidan more bilo dvajstičetiri,a danas je dvajstijedan,puše bura i ono ča uđe u more kad izađe vanka brzo se umota u šugaman jerbo mu se dlake nakostrešidu…

Danas popodne u Gracu u pješačkoj zoni di je autan zabranjeno kretanje,ovi jedan je doletija vozeči sto na sat i zaletija se u ljude koji su tote šetali,izaša iz aute i dalje nastavija divljanje sa nožen u ruci tako da se misli da jema okolo tri mrtve osobe i okolo četrdesetak šta ranjeni šta ljudi koji su u totalnomen šoku. A kako se naš miščanin Antonio Jerčić ovega lita priselija…

Jema par dan da se u selo,tamo kraj Đardina more vidit parkirana ova neobična žuta auta od firme Cimos. A dica,oni malo starijiji od dice,a more se slobodno reč oni do četrdesete godine života upiredu prston,a vidi “ovo”,a neznadu da pored fiče,tristača,pezejca,… u “ona” vrimena ovakva auta je bila naša svakodnevnica na cesti. A Luka,ponosni vlasnik ovega popularno nazvanoga Spačeka kojega je do u detalje u originalu lipo ušestija sa…

Da ja pišen kako se na Gojaču ulazi sa autan i da sad zbog toga ne moredu dobit ključ? Vratimo se malo nazad,točnije pri pet dan kad su na Gojaču mekli na stredinu oni stup i malo dalje lanac tako da se sad ne more sa autan unutra ulazit,(motoriman i dalje more),a to su učinili jerbo one meškinjaste ranpe ča su ji mekli naza trideset i šest dan nisu učinile…

Po ko zna koji put sa one razvodne škatule u podvožnjaka u vriliman nesta je poklopaac,a pošto je ota razvodna škatula pod naponon tribalo bi je šta pri pokrit da koko ne strada.

U petak je počelo,a u nedilju sve okolo podne završilo,a zove se 3D Street Art Festival u Splitu,a za one ča neznadu šta to znači onda ču pojednostavnit pa reč da se ova vrst umjetnosti zove Anamorfizam ča oče reč da je ovo bilo crtanje suvon pastelon na ulici i to tako da postoji određena točka od koje se vučedu linije i kasnije kad je oto sve gotovo slika se…

Okolo misec ipo dan dica iz Starčevičeve ulice marljivo su radila na Ajdukovomen muralu koji je sinoč napokon svečano otvoren. Radilo se tote i po kiši i po zvizdanu i po noči,a prošlu subotu su bili najranije ujutro u sedan uri jerbo je ovo otvorenje ča je bilo sinoč tribalo bit u otu subotu,ali su jin trevile nike tehničke poteškoče,a tili su da sve lipo bude onako kako triba pa…

Jutros je bilo živo u selu,polemika se vodila o onoman bilin trakan na kojiman modriman sloviman piše komunalno redarstvo ča su ji raširili da se ne more auton tamo prema rukometnoman igralištu (koje bi još malo nako kakvo je-nikakvo,moglo postat i parkiralište). I odma se počelo beštimat da biče to rastegli da se ne mečedu tamo aute,nego vamo di se mora plačat itd.itd. A niije,to su mekli zato jerbo se…

Nakon ča su bile meknute ovakve barijere: Koje su uvik bile spuštene i stale su dok ji nije do kraja ruvinalo. Onda su ji jema trideset i šest dan zaminili sa ovin novin barijeran: Koje su od kako su tote,trideset i šest dan bili samo niki par dan dignute,a sve ostalo do jučera kad su ji makli bile spuštene doli,a zamisto nji je meknut ovi stup ča ga vidite na…