Google
672

Sa ovogodišnje bobijade u Kanbelovcu

Datum:May 22, 2018 12:34 am
Comments
Komentiraj

U nedilju je u Kanbelovcu bila trinajesta po redu “Fešta o boba” koja iz godine u godinu ima sve više i više natjecatelji,a i posjetitelji i nastavi li vako za koju godinu tribat če maone u more mečat jerbo če oni prostor na Brcu bit mali za primit sve one koji čedu tit bit na nezaobilaznomen događaju u Kaštiliman, koji se več sad notaje u razne rokovnike, kalendare dlanovnike, tablete… Nema ča tot ne morete nač,a tiče se boba,pa tako morete jist bob sa manistron,sa hobotnicon,sa tripican,pašticadu od boba,sa žigericon,sa artičociman,sa zeljen,pa onda sarma od raščike u koju je umotana riba sa bobon,sa kaštradinon,sa slaninon, bez slanine,bob sa manistron i pršuton,… pa onda tote jema palačinki sa bobon,pa rafijoli sa bobon,pa bobaste palačinke,ružice sa bobon,kruv sa bobon, bob bez kruva,bob sa bobon,pa pašteta sa bobon,sladoled sa bobon… Uglavnon nima spize koja postoji,a u koju se nije bob umiša tako da se oti dan sladokusci od boba moredu do mile volje nabubat,a jema nji ča to i učinidu pa jin posli toga triba jednu sedmicu dan za doč sebi.
A isto tako jučera je bija i štand sa bobon, od našega Dobrića iz sela, na kojemu se moglo i kupit boba,onega u majune i očiščenoga.

Ispeci pa reci:

4 Comments add one

  1. miritan i ja sta rec says:

    okle ti ova kombinacija bob sa bobom 😀

  2. LiliHip says:

    Miritan i ja sta rec,to je još dobro.
    Ja čekam moment kada će napisati “Skuhali su bob bez boba” 😀

Komentiraj