A je mašo
Jema dvi tri godine da se salatu u dučane počelo na komade prodavat,pa san tako nikidan vazeja u jednomen dučanu salatu koja je več bila u kesi i vidin da je to ništo mižerijasto,pa san iša uzest koju drugu kesu i sve su bile li-la težine,a dobro,izvadija san je za vidit da nije gnjila,nije,dobro je i gren ča na kasu oto salate platit,biip,pet kun,a dobro,e i kad san doša doma nije mi vrag da mira,vazimljen vagu i jeman ča i vidit,dvadest i jedan dek san platija pet kuun,a to znači da je kil tamo okolo dvadeset i četiri kune,a bome lipa cifra i u ona zlatna vrimena kad su odavde ljudi u Sloveniju odili salatu prodavat,cijena ni približno nije bila ovoj ča mi sad u dučaniman plačamo,ali nema veze,ja san kupija samo jedan komad salate,to je isto ka kad je oni reka,ma briga me ča benzin krešije,ja i tako uvik ulijen sto kuun.
Ej barba,barba
Gren ja selon i čujen niko viče ej, barba,barba,pa san svatija da kako se niko ne ozivlje biče meni govori,ajme šta mi je drago kad mi se vako javidu,slabo mi dođe. Okričen se da ču ga poslat,pa vidin jedan mlađi bračni par iz sela,a on mi govori,barba bi li mogli napisat kako u selo fali oni mali kant za ono sitno smeče bacat i kad čovik oče da bude uredno…
Otvori ...A je danas jugo italo more na Splisku rivu
Zanimljivo je kako se u ovakvima situacijan uvik nađe koko ča oče snimit kako more priko njega prilazi.
Otvori ...E ovo je razlog zašto smo u petak bili bez vode,a posli kroza špinu blato teklo
A kako su kopali bageron našli su cijev od vode i to je izgledalo evo ovako: Evo i blata:
Otvori ...A da je bilo ove šentade maknit,pa umisto da mi tote sidimo,biste naredat??
Nakon šta je izašlo u javnost kako če doli na rivu uz Fra Bernardina Sokola doč još jedna bista Svečenika dr.Ante Alfirevića,ne prestajedu priče i pitanja zašto se u nas biste stavljadu na Rivu,ovo je jedno od ritki misti di se biste na rivu mečedu i kome je to palo napamet,zašto se to ne zaustavi,Rivu živima,a biste stavit na koje drugo misto,kako je počelo i ovo šentadi če maknit za…
Otvori ...Ajde,pa sad neka koko reče kako se na našoj Rivi ništa ne radi
Od ponediljka se nastavilo sa radoviman na onoj šetnici na Rivi di su jema i više od godinu daan izbivene kamene ploče i evo je danas i to napokon gotovo,rastresli su sve i kako sad stvari stojidu više se nijedna od ploč ne ginga,a dokle če to tako bit,a vidičemo. I dokle se ova tri dana oto radilo,Sučurani su se rugali na svoj račun,pa je jedan reka,a pa sad neka…
Otvori ...Ma šta jin sve neče past na pamet,a kako volidu reč,za zaštitu staništa životinja
Svi ste sigurno vidili bar jedan put da je niko nigdi okomito nastiva razne stine i pitali se ča je autor tija sa otin reč?I dok stručnjaci govoridu kako je to dobar trening za mentalno zdravlje,npr.čak koristan za dicu koja imadu slabu koncetraciju i čak što više, ovi način slaganja stinj u vertikalu je za to likarija, oni ča se očedu prikazat kako brinedu o životinjaman svaki dan izmišljadu nike…
Otvori ...Nije daleko,samo okolo pet kilometri od našega sela
Ledena idila
Otvori ...Ono kad je zanji trajekt i nima više mista za smistit auto
I onda važi ona,druže snađi se: 😀
Otvori ...
Komentiraj