Ovo ča je danas u Splitu bilo nije nikad,a ko zna oče li se više ikad i ponovit. Umisto jučera jer je Ajduku zabranjeno igrat prid publikon,danas je Spliska Torcida na utaknici između Ajduka B i Primorca 1929 iz Stobreča proslavila svoj 64 rođendan.Sve je počelo skupljanjen Torcidaši ispod murve kraj starega Ajdukovoga placa da bi se uz bengalke, skandiranje,pivanje, dimne bonbe i topovske udare zaputili prema stadijonu na Poljud. Bila je to nepregledna rijeka ljudi od male dice pa do oni ča su Ajduka pratili još dok je tamo na staroj plinari igra.Isprid bokete di se prodajedu karte kolone ljudi strpljivo stojidu u redu,čekadu i brontuladu ča nije otvoreno još koje misto za prodaju jerbo je svima bilo priša uč,a unutra je bila atmosvera ka da je u toku prvoligaška utaknica tako da nije bilo lako ni oniman na terenu jerbo niti su ovo od kako igradu kad doživili niti če u lizi u kojoj igraju doživit da jin se iz par iljad grli na utaknican ovako navije. I na kraju ča drugo reč nego,ovo ča se danas u Splitu dogodilo more se samo u Splitu dogodit.