Ajme ča je ono sinoč bilo,ovi su šetali po kuči,jerbo od buke nisu mogli spavat,ovi bunbake u uši mečali,pa su ljudi zamisto da jin malo bave u kuču uđe,zatvarali ponistre…

Zna san ja odma koja če tote ura bit,kad je još u četvrtak popodne počelo naštimavanje i oni počeja tuč po rolu dokle ga tonac ne naštima,a ča je ovo pita me ona,a ono bubnjar tuče u rolo za namistit zvuk,a ča je to rolo,a to je ono malešnoga ka bubnja šta sa obe strane jema kožu,a sa donje znadu bit i federi koji se opuštadu i stiskadu po potribi,sve za da bi do dobroga zvuka moga doč,jerbo,rolo,bas bubanj,zajedno sa bas gitaron,moradu radit ka urica…,e i kad san čuja da se kod naštimavanja nako rolo čulo,a govorin ja,ča če tek bit kad u petak sa koncerton počmedu?

A da i ja sve crno gledan,kad se Ultra ne čuje,kako če se onda ovo čut,a dobro,možda se ja varan,ali ne virujen baš,e a kad je to u petak uvečer počelo i to sa oniman istočnjačkiman melosiman,ajme ča se po selu beštimalo,a ča nas maltretiradu,radije bi ginga glavon i ultru šta se nije čula,sluša,nego ovo,a dobro,kako se to ovako čuje,a Ultra se nije čula,a biče ovi jemadu bolji razglas,nego oni na Ultri,a je,je,kako nije,ma nije,več je ultra uložila i u zvukobrane,šta nije uopče mala troškovna stavka,da ni okolne zgrade nisu toliko čutile jakost zvuka,a ovi nisu,pa je tako prvu večer i ko voli i ko nevoli onakvu glazbu,bija prisiljen slušat i to do pet uri ujutro…
E,ma za ovo večeras ča se čuje,niko se se ne buni.