Nikako da svatidu kako se ono ča smo gledali na filmovima,više ne događa samo na onemu tamo Zapadu,več to sad moremo vidit i uživo,ovde u nas.

Sitiče se oni koji su,kad smo bili u takozvanomen dobu mraka,odili vanka naši granic kako su se tamo isprid banak mogli vidit naoružani ljudi koji stojidu isprid vrat,pa smo se čudili,ma vidi divljega zapada,policija jin mora isprid banak stat,ustvari,mi smo mislili da je to policija,a to su bili zaštitari za koje mi nismo ni znali,dokle u nas nije stigla demokracija,a sa njon i mi zaštitare dobili i ono sve loše ča smo u filmoviman dotad gledali,a sad i uživo dobili…

Jučerašnja pljačka banke u Splitu di je došlo do pucnjave napadača i policija na istu uzvratila,tako da je napadač tragično završija, opet je naišla na čuđenje,a isto tako smo se čudili i kako je tamo u drugi misec jedna junačina u Zagrebu napala tri žene,ovon jednon je lupa glavon o bankomat,a pa se sičamo svi i onega ča je u dvanajesti misec upa u Zagrebačku Osnovnu školu i ranija nikoliko dice i učiteljicu,dok je jedno dite,nažalost,umrlo…

I tako dalje i tako dalje. Prestanimo više mislit da se takve stvari koje smo gledali,a i dalje gledamo na filmoviman, događadu diko tamo,na koje drugo misto,jer nažalost,to sad imamo i ovde.