Ka ča je to po običaju i ove godine na prvi dan Nove,na spliskiman Bačvican okolo podne,iako je tenperatura bila okolo pet stupnjev,pa je prvi Novogodišnji kupanac.
Nije,ka ča to zna bit,bilo puno hrabri,moglo ji se izbrojit na prste obe ruke,a kad su se več našli,ka ča to inače bude kroza cilu godinu,dvi ekipe,svaka na svoje uobičajeno misto,bacile su na male branke,jedni obučeni u majice i kratke,oli duge gače,daleko od mora,tamo di savura nije mokra,a ovi drugi,bez ičega,samo u mudantine i to tika uz more,tako da su cilo vrime bili mokri nog,a sad je li jin bilo zima,samo oni znadu,a ovi jedan među njiman se sitija kako se od leda obranit,pa je na ruke meka rukavice…

A da ne bude kako je samo muški rod oti koji če se na prvi dan Nove okupat,pobrinile su se dvi cure iz Poljske,koje su isto tako okusile čari novogodišnjega kupanja na Bačvican.