Znate oni put ča gre prema Pevecu i Emezeti,a ča su ga jema niki dan podigli i asvaltirali,jer bi se posli svake malo veče kiše tamo zadržavala lokva vode,e pa tamo je danas uza kraj otega puta jedan naseja sa Golfon jerbo očito nije iša za otin da je to sad visoko u odnosu na pri tako da je osta ni vamo ni tamo i sriča da je tote prolazija Joško (Šikalo) iz vatrogasac i kad je vidija da jadan čovik nezna di če i ča če onda je zva,a koga nego naše vatrogasce koji su došli sa onon novon auton u kojoj nima ča nima,za svaku moguču situaciju ča se more dogodit jema alata,obamirili su situaciju sa svi stran i odma krenili sa akcijon koja je nakon po ure urodila plodon i čovik je cili sritan uspija auton stat na čvrsto tlo,zafalija se vatrogasciman i uputija ča.

I u međuvrimenu je doša i komunalni redar (Damir) i taman da ču počet govorit,a on me priduhitrija i reka je da se neče mečat nikakva ograda nego če se pošto je uz oti put još graskoga terena širine cca okolo metra (morete vidit na slici kamen sinjan u crveno) to če se onda lipo nasut do nike granice,možda koji centimetar niže od asvalta da se ovako ništo više nebi događalo.

A sad pogledajte na slikan kako su naši Sučurački vatrogasci to maherski izveli: