Evo na,ove godine je ča se tiče maslin sve krenilo kako triba ,iako su bili govorili da je moguče da ji ništo izbuža,prošli smo lišo i nakon onoga od lani kad se nije moglo ubrat njanci jedne masline, niti za izist,a kamoli za ulje učinit,ova godina je bome darežljiva,jema maslin da če ljudiman učinit oni slatki problem, jer če se tribat mislit di če sa uljen.
A isto tako je i vrime lipo učinilo, ne samo u kratke rukave,nego jema i oni ča su u kratke gače u berbu išli i usput vatadu boju,a sičan se jedne godine kad smo obučeni u bundan i kapan na glavan,ne brali,več kupili masline sa poda i to u rukavican, jerbo je bilo nigdi okolo nule,a na Mosoru je bilo puno sniga,ča je nošen sa buron pomalo i do nas leprša.