U utorak ujutro ljudi su u čudu gledali,zlamenjivali se,a ča če ovo sud svita,pitali se,a razlog je ča su se napokon uvatli sređivat ono šetnice na rivi na kojoj su izbijene one kamene ploče za koje ljudi zapinjedu,a ovi jedan nikidan je napravija i lipi škerac kako je zapeja,pa su ljudi poludili i izvadili sve one ploče priko koji se zapinjalo i padalo i burne reakcije su očito došle do ušiju oni ča niti vididu,niti čujedu kad se govori o problemiman,ali nisu ljudi glupi,odma je niko reka,a ovo su se sad prid izbore ča če u peti misec bit,uvatili radit,a da nije toga još bi koju godinu zapinjali i padali,asti,ča če nan selo u ovo par miseci zablistat,sad čedu se svi razletit,neš se moč od nji obranit,a zanje ča su na rivu učinili je,kad su “fugali” pukotine prid prošle lokane izbore ča su bili 2017 godine.
E ,ali svakoga čuda dva dana dosta u ovemu slučaju je to bilo jedan dan,jerbo nakon tega utorka kad su nikoliko ploč zalipili,ni sridu,ni četvrtak,ni petak se više niko nije pojavija,a ono doli je sve raskopano?
Ali nema veze,kad smo čekali ovoliko,pa onda moremo još koji misec,najvažnije je da znamo da če do petoga sigurno bit gotovo.