Jutros je po selu bilo žestoke polemike i to najranije u osan uri,kad se je vidija prvi dim iz pravca groblja i odma se znalo da to užižedu ono smeče ča su ga u petak donili,a bome i jutros su otemu i novo pridružili.Bolje da ne pišen ča su ljudi sve govorili,to ču van pustit mašti na volju.
A ča se sve užižalo? Lakše bi bilo nabrojit šta nije,ali evo ču nabrzinu,bilo je tote onega cviča ča priplavi groblje za dan mrtvi koje ga su užižali zajedno sa plastičniman pitariman,pa onda one plastične posude za aranžmane,spužve koje služidu za činit aranžmane,pa su gorili oni plastični lumini i još puno toga ča čete,a isto tako i ono ča nečete na slikan vidit, jerbo je skroz izgorilo,a zanimljivo je kad je Željan upita upravitelja Vlastitoga pogona Ivana Čaglja,da ča to gori palidu,on mu je odgovorija da to palidu suvo cviče,a sad da ja ne pišen zaključak,jerbo če bit kako opet činin nike konstrukcije, pogledajte slike pa sami dođite do njega.Inače gorilo je od osan uri ujutro pa tamo nigdi do jedanajst.
Ovo doli su one slike od petka:
Asti onda ovo na slikama nije rastopljena plastika nego se to meni cini da je
ma kome je ovo samo palo napamet znate li samo koliko je to sta ste zapalili dok gori kancerogeno?
Di je dva dana nestala stranica i evo tek danas sam se uspija logirat?
Nalogodavca triba debelo udrit po žepu!
Kad sam u petak procitala da je pchina napisa da ce donešeno smeće zapalit mislila sam,ma to se on zafrkaje.
Na žalost to je bila istina.
A sad bi se ,malo osvrnila na stranicu.
Zašto je dva dana nije bilo neznam,ali znam da su u mistu odma krenile razne priče,a počeja se stvarat i stožer podrške za pomoć,a onda se stranica opet ukazala.
A da nam rečeš šta je bilo?
E sad kome ćemo virovat Ivanu Čaglju ili slikama?
Mudrajko,zna se.