Ma ča blato?koje blato? pitan ja ovoga ča me zva jutros okolo desetak ipo uri? a odozgara od pravca štrike pa doli do Gospice teče blatnjavi potok i kako san proša auton cilu san je izasr…,a jučera popodne san je opra jerbo moran na tehnički,pa je sad opet moran prat.Govori meni ovi.I je,nije mi ovi laga. Okolo jedanajst manje kvarat san iša iz doma i stvarno,gori kraj štrike vidi se niki bager kako kopa i odatle nizdol gre blatnjavi potok.I,tamo iza ure ipo kad san opet prolazija doli kraj gospice ovi iz održavanja ceest mekli su barikade i usmjeravali da oto blata ne gre na Kaštelansku cestu nego u šahtu,a vatrogasci su prali cestu ča je bila cila od otega blata.