Fermalo me na rivu i pokažijedu mi put staroga kanpanela,da kako nisan ništa napisa o tomen kako nan je sat na kanpanelu ferma,a ovi če drugi,a ča oni namo radidu samo na pisanje,a i kad jin se napiše odma čedu skočit,aha,kako nečedu,a ovi če treči,neka,triba sve pisat,pa neka ne učinidu,ali ne moredu reč da nisu znali,a biče zanimljiv konat prid kraj mandata,kad budedu nabrajat,mi smo ovo,mi smo ono… I moj čovik, napalo i mene,pa san se sad ja triba opravdavat, da ča san ja triba o ovemu pisat,niko je to siguro vidija pa če se popravit? Je,je, vidija je ka i sve ča vididu,a i ti si mi ništo čudan,a zašto san sad ja čudan,a lipo,koliko puti si triba napisat za da bi ništo napravili,a sad ji ovde braniš,a ča bi ti sad i mene tija uvuč u svoju priču i sad bi i ja triba bit kriv jerbo nisan ništa napisa,a dobro,reci mi bar od kad sat ne radi,jerbo san ja vidija jema par dan da stoji,a niko govori da jema i više,a neznan ti točno,ja san vidija jema sedan dan,a ovi če drugi desetak,a ovi treči da se njemu pari i više da ne radi,a dobro,eto ču ja sve to napisat,pa koga interesira neka sam učini konat koliko sat ne radi. Uglavnon je pa jedinstven zaključak,da sat ne radi i da ga triba napravit.E.