Iako je učinija lipi dan na Svetomen Juri danas i nije bilo baš ništo puno svita,ali oni najvjerniji su uvik tot.
Inače,zanimljivost je da se danas na Juri iz kadilice čutija vonj od tamjana koji je ogratan sa bori na Braskomen docu,samo ča mi je reka čovik koji ga je donija da ga ne spominjen ko je, jerbo da če trčat za menon po selu. I još ništo,ono ča vidite na sliku Sandru i Joška to je slikano na dilu Sandrine didovine koja taman počinje tote okolo bunara i odatle se protiže dalje prema zapadu.E,a kad se več govori o didovini javija se i Stipulin pa govori,a je li vidite ono gori di se okričedu janjci i di su oni stoli i ona kučica? e to je gori moja didovina.Asti, govori mu jedan,a da je to bilo ogradit i za dogodine uzorat i badnit pome? A oli bi mu ko ča reka?I ona gori kučica je isto na njegovo,a ovi če drugi,asti,još če ti doč za platit kaznu da si je bespravno učinija,neka nisi ti,ali aj pa se ti š njiman dokažiji.