Kako vidimo Korona virus nije, ka ča se to mislilo da če sa toplijiman daniman pobignit,je li ovo drugi val ili ka ča nan očedu reč da nije,več da su to krakovi od onoga prvoga,o tomen neka se “oni”između sebe karadu,uglavnon vidimo da je jučera bija dan koji je od pojave toga virusa bija jedan od najgori,ča se broja oboljeli tiče,čak se donila odluka da u zatvorenomen sad svi moramo maske koristit i naravno,struka i dalje naglašava da peremo ruke,peremo ruke,peremo ruke,peremo ruke,a jesmo li to ča nan cilo vrime govoridu svatili,pa ču ja opet ponovit text od
22.04,ča san ga učinija ove godine,jer sve ono ča možemo,tribamo učinit,za ovo boleščine svest na ča manji broj zaraženi,nije valjda da čemo kalkulirat u par stotin kun troška ili ćemo razmišljat,vidi kako u Kaštiliman nima zaraženi,pa to nama ne triba,ali svako takvo i slično razmišljanje pada u vodu kad znamo da niko nezna koliko točno populacije među naman jema oti virus,jer kako struka govori,najvjerojatnije puno nas jema oti virus,a da o tomen nima pojma,jer nima nikakve simptome.

Evo texta ča san ga pisa:

Jesmo li šta naučili u ovoj pandemiji o Korona virusa? Jesmo li?
Postavio:adminDatum:April 22, 2020 10:01 am

Još tamo 2014 godine pisa san o ponovnomen osposobljavanju funtani u našemu selu koje su radile sve tamo nigdi do prid kraj devedeseti godin prošlega stolječa,zašto je nikomen palo napamet udunit ji neznan,ali znan da di san se ko maka i jema takvi funtani,na njiman se moreš vode napit i ruke prolemučat,e pa sad,kad smo več došli ovde di jesmo,a kako svakodnevno od razni virolozi,epidemiolozi… moremo čut higijena-pranje ruuk u ovomen slučaju kad virus hara,je ta koja more ublažit da se oto nesritnjega virusa divlje ne širi,pa bilo bi dobro da onda sad osposobimo one funtane po selu,a nije velika investicija meknit špine i škatule sa tekučin sapunon,jer sve šta moremo,tribamo učinit da ovo nesritnjega virusa pobijedimo. Moran priznat da mi je čudno kako do sad nikomen iz gradski struktura ovo nije palo na pamet?

Ovo doli je text koji san o funtanaman pisa 2014 godine

Zašto u Orebiču more,a u Sučurcu ne more?
Postavio:admin Datum:August 19, 2014 10:36 pm

Sučurac jema još od davni godin jednu funtanu kraj stare škole,pa jednu na Novomen putu, i još jednu u Varošu,a da ne zaboravin onu jednu u Getu,a i tamo nasuprot stare Sokolove kuče (ove više nima) i zanimljivo je to da di se ko maka u mista koja su u prošlosti jemala take funtane moreš odvrnit špinu i napit se vode.A zašto se to u Sučurcu ne more? Niko je bija objašnjava da to ne more iz vakoga ili nakoga razloga,ali kad san vidija na druga mista da se more onda taka “stručna” objašnjenja da se u nas ne more jednostavno padadu u vodu.

Ove doli funtane su u Orebiču i namjerno san pustija vodu da ne misli koko da su tot za fintu.

Ova je funtana u Stonu i cilo vrime teče: