Naravno,opet jema oni ča se busadu u prsa i govoridu kako je ovo napravljeno jerbo su oni za to zaslužni,a moran ji podsjetit kako san lani na prvu sjednicu Mjesnoga Odbora ča je bila krajen desetoga miseca,evo prošla godina daan,među ostalin iznija i problem starega kanpanela koji pomalo ali sigurno propada,kojega bi struka tribala dobro “rastrest” za doč do stvarne dijagnoze i da se napokon krene u sanaciju koju ovi kanpanejal i zaslužuje,jer je,ko nezna,ovo spomenik neviniman žrtvan bonbardiranja za kojega su Sučurani prilično emotivno vezani jer je toga dana svaka Sučuračka familija ostala bez nekog svojeg bližnjega.
I onda san doda,da kad se kanpanejal napokon obnovi,onda mekne i rasvjeta ka ča je pri na njemu bila.To je ovo ča sad na slikan vidimo.
Inače o sanaciji Kanpanela govorija san nikidan i Gradonačelniku kad smo bili kod njega.

Ova rasvjeta ča je meklo tribala bi durat niki osan godin,a pitanje je oče li oto rasvjete do koju godinu,ako se o kanpanelu ne povede računa,jemat na čemu stat?

Evo na ove doli dvi slike more se vidit koliko se ovi dijal odvojija,a ispod njega dvi face između koji se isto tako pojavija razmak.

O ovomen san več prije pisa. Na ovemu luku koji je sa istočne strane kanpanela jedna od stin-prva do sridnje,koja se nalazi južno je potonila,a sa druge bande,tj. na luku sa zapadne strane od kanpanela je isto tako,samo je u odnosu na onu namo bandu,ovde potonila stina koja se nalazi sjeverno od one sridnje (sinja san ji bilon točkon) i po tomen bi se dalo naslutit kako je kanpanejal učinija niki “škerac”,a jedino je struka ota koja bi tribala reč koliko je to sve skupa ozbiljno,

A na ove doli slike morete vidit vodu koja posli kiše izbija iz kanpanela prema vanka,a kolika je to količina vlage u zidoviman vidljivo je i usrid lita kad se, neka bude zvizdan i više od plus četrdeset na kanpanelu vididu vlažne stine.

Na ovoj donjoj slici more se vidit kako voda koja prolazi kroz zidove od kanpanela izlazi doli na ploču sa imeniman poginuli na kojoj stvara kamenac.

Itd.itd.