Ka prvo za one ča neznadu, objasniču ča u prevodu znači ovi naslov,tako da znadu.

Ovo je ti lajedu,je mu lajedu,je nan lajedu… je preneseno značenje za onega ča mu pritiče-nezna di če sa pineziman,uzalud ji baca…
Kako se na sve bande kopa jerbo je Evropa kanalizirala sredstva da napokon u dvadeset i prvomen stolječu svi u Kaštila dobijedu pitku vodu i kanalizaciju tako i u selu morete na dosta misti vidit kako se kopadu razne dionice,a jedna od nji je i tamo oni put ča gre uza Braski dolac,ko nezna di je,to Van je tamo oni put ča gre prema takozvanomen pomočnomen Jadranovomen igralištu,e i tamo se sad opet kopa,kako opet,a lipo,jema,a ko če sad točno znat koliko,biče okolo sedan godin da se tote kopalo za postavit vodovodnu mrižu,pa su tako ljudi na tomen potezu dobili vodu i postavljeni su hidranti,a ča se sad radi,a radi se to da kako se sad opet kopa,one stare cijevi od vode se piladu i vadidu vanka,pa se tako uza kanalizacijske cijevi polažedu i nove vodovodne cijevi,naravno,kad vako ništo vidite onda van odma dođe na pamet “ona”,ništa čudno,koja za sebon odma povlači i “onu”,pa zato nan i je vako kad se razbacamo,jer umisto da je niko napravija razvojnu strategiju,ne za puno daleko,barenko za sljedeči desetak godin,onda bi se npr. znalo da bi se tamo na Dragočevo-Miline tribala činit vodosprema okle bi slobodnin padon tribala voda odit nizdol,ovon dionicon o kojon govorin-Braski dolac,pa čak kako se spominje dalje prema Gorici,a za to triba veči pritisak,a isto tako i veče cijevi,ali ka ča sami naslov sam za sebe govori,imamo mi,nama lajedu…