Sičan se kad su u naše selo za sve ča bi se uništilo i razbilo bili krivi “Domaši”,a sičan se i toga kad je na jednome od zborov građani jedan čovik reka:”A ljudi moji kad tad če “Domaši” iz sela poč ča,a ko če nan onda bit kriv?”
Eno Domaši više nima,a ni cakla na autobusnoj čekaonici isto tako nima,niko ne more toliko cakla namirit koliko ga “oni” moredu razbit.I triba se jedan put zauvik opametit triba čekaonicu izlit od betona ka ča su one bunkere šta ji još moremo vidit, a napravljeni su jema 70 godin pa neka ji junačine onda do mile volje razbijedu.

E,a šta se tiče ljuljački ne znan od čega nji učinit? Ka šta vidimo na slici uspili su lance puknit,a di neče kad se veliki mazguni stoječi gingaju po njima.A da je bilo provat meknit one malo deblje lance,one šta se prikooceanski brodi s njima zavežijedu?