Zanje uzorkovanje mora u Kaštilima je pokazalo da je na pet misti pronađena ešerihija kola,a jedna od plaža je i naša Gojača,pa se odma krenilo sa pričon da ako je to tako je li to znači da se tote nebi smilo  kupat,a onda je ovi jedan doda da nikad na Gojači nije bila zabrana kupanja,a onda san se naravno,umiša ja,je bila je ča ja znan meknuta tabela da se nesmi kupat,e sad je odma bilo,ma vidi ovoga,e ja izmišljan,e pravin se pametan,e ovo,e ono,..,a ča mislite da ču se ja sad sa vama karat,a kad neču, stojte u tomen svomen neznanju i večeras povirite na sucurac.com.

Tabela o kakvoči mora izgleda ovako:
-izvrsno-plavo
-dobro-zeleno
-zadovoljavajuče-žuto
-nezadovoljavajuče-crveno
Ove boje bi tribale bit na plaži u vidu okrugloga znaka.
Pa sad oče li se ko kupat oli neče…

Nameče se logično pitanje,a ča je na plaži Sokolana,na kojoj se more ne uzorkuje?

A i oče li se i kad če se počet uzorkovat?

Zatražija san prošli misec na sjednici MO-a da se napokon i doli počme sa oton radnjon,

A kako to priko MO-a sve gre brzo,sigurno bi tamo u prvi drugi misec mogli počet.

A jučera na Sokolani,po ko zna koji put,opet je iz onega potoka niko kafenilo zajedno sa smradon izlazilo:

Evo ovako je to bilo 2014 godine u deveti misec,kad je meklo oni znak o zabrani kupanja:

Postavio:admin Datum:September 18, 2014 3:12 pm
Jučera je na Gojaču na one sjeverne skale kraj tuša meknuta tabela o zabranjenomen kupanju.

Bija san danas vidit i na Sokolanu,tamo nima nikakve tabele zabrane,a jema ji bar dvadesetak ča se kupadu. A je li koko zna ča je tamo sa moren?