Odveja ja malu u subotu na Sokolanu i dokle se ona bučkala u moru ja san naša jedno lipo misto odispod tamarina meka šugaman i seja u lad kad mi dolazi ovi jedan,a ča je a? lajedu tebi a? a ča je sad? a ništa, je li ti lipo tot na travu ležat? a gledan ga ja jerbo čutin da ništo iza ovega slidi,a je,je baš je lipo,a ča ti znači ono da mi lajedu? a to da imaš ti za kaznu platit? a koju kaznu?oli je i ovde gori počelo naplačivat parkiranje? ma nije parkiranje,govori ovi nego ležanje,ma koje ležanje? eto to ča sad činiš,ma koje plačanje? a eno poj vidi namo na kondut naljepnicu ča su je mekli i lipo ako neznaš čitat jemaš i crtež tako da se ne moreš nikako izvuč,a ma koji crtež koja naljepnica,a je li ti to mene ka zajebaješ? E sad me ovi vazeja za ruku i doveja do onega plastičnoga zahoda na kojemu je zamislite stvarno zalipljena naljepnica na kojoj je oto ča mi je oni reka sve lipo napisano i nacrtano. Ma gledan ja sad ono priko oka je li diko koja skrivena kamera biče me ovo očedu nasadit pa čedu mi se kasnije naslađivat? Nima je. Gledan ja okolo, gingan glavon i ne virujen svojiman očiman šta vidin? Pa da je to ona posijana,njegovana travica ča je cilo vrime tribas kosit i zalivat,nego na ovo divlje trave nesmiš ležat? A na ciloj ozelenjenoj Spliskoj rivi se leži i nima nikakvi tabel zabrane i to na onoj Ingleškoj travi ča je baš zbog ležanja svako malo moradu minjat,a ovde na ovoj divljoj se ne more ležat? I eto veselja,a vako mi je bilo dosadno, pa je sad svaki oni ča je novi doša
dobija kritiku ča leži na travi,a lipo je bilo gledat face kad bi jin reka da je to zabranjeno,šteta ča oto nisan snimija,ali opet kad se siti u kojiman se sve kontekstiman spominjalo one kojima je palo napamet to stavit i bolje je da nisan. I zašto san sve do danas čeka za oto stavit?a zato jerbo san mislija da če i na Gojaču tako ništo slično osvanit,ali evo do dana današnjega još nima ništa?