Evo na, napokon nan je zakrpilo i onu najpoznatiju rupu u selo u koju kad bi tamo auton iša nisi moga proč a u nju ne upast, Je bilo je oni ča su se penjali na korniž pa bi je na oti način izbjegli,a bidni pješaci bi se gratali uza zid od kuč da ji koko sa auton ne karga. Bilo kako bilo rupa je sad zakrpljena i to ono ča se reče po zanatu, jerbo bi do sad kad bi se pojavila u nju usulo betona oli asvalta pa bi aute ča bi prolazile to opet ruvinale,a sad je lipo ogratalo dijal staroga asvalta i zakrpilo jednu dva-tri dužna metra i nebi tribalo baš tako brzo poč ča. Jedino ako to nije jedno od oni misti ča se na njiman uvik ništo mora događat ( vidi Žalosne Sove). I da koko sad nebi mislija da su ovo učinili zato jer san nikidan o ovome govorija.Nisu. Cilo selo je iskrpljeno,ali ova pobuđuje veliku pažnju, ipak je ovo jedna posebna zakrpa.

Sada:

Prije:

I još jedna vijest. Napokon se nešto dogodilo i s onima doli ranpama na Gojači. Više nije spuštena ona jedna,sad su lipo obe spuštene i uz aute sad i mini bus na Gojaču more sa kupačiman dolazit.

Sada:

Prije: