I dok je večina svita zabrinuta i za pinkicu dima ča se diko vidi da gre iz otega fumara vanka,pa sad izgleda ka ono tankoga dima od španjuleta,jema i oni mudraci ča znadu reč,a nije van smetalo onda kad je u doba mraka dimilo,a ča na oto reč,a ništa,jerbo ča otemu govorija da govorija,isto je ka da si sa zidon razgovara,ali opet ne moreš odolit,a da mu ne rečeš,a je li nije onda valjalo,a pa zato smo tili promjene i nima više vračat se na staro,ali zanimljivo kako upravo takvi koji sa svojiman komentarima očedu ispast demokratični bi “računali”opet po staromen,naravno,za ono ča njiman odgovara…

Znači vako,ono nikidan kad je iz cimentare dimilo,pa bi stalo,pa onda opet nakon nikoga vrimena bi vidili dim itd.itd. je ipak bilo zbog toga jerbo se uputila peč,a ka ča san onda napisa,to je parilo malo čudno,jerbo kad se peč upali onda to zna dugi vrimenski period stalno dimit,jerbo se triba osušit ono ča se unutra ziđalo i to onda isparaje,e,a sad zašto je dimilo na preskoke (sad dimi,pa onda ne dimi i onda nakon par uri opet dimi…), informacija iz prve ruke govori,zato jerbo se peč u par navrat palila,eto.

Ovako je to onda izgledalo: