Znate ovu priču,ne triba je ponavljat,e i ne dadu mi mira po selu kako ove godine nisan oba tomen pisa,jerbo je nakon dugoga vrimena u selo opet „uskrsnija“ i oni livi bakalar i zanimljivo u organizaciji našega Mjesnoga Odbora,ajde pak,ajde kad se tako priča,onda ču ništo napisat,inače nisan mislija.

Ka prvo,po meni se oti bakalar nije ni dilija,e onda me pitadu kako,a lipo,jedinu obavijest po kojoj ja znan za oti bakalar,bila je da mi je presjednica MO-a emajliranon porukon poslala obavijest da če na Badnji dan MO na Mulu dilit bakalar,a ja san oti dan u deset uri kad se to tribalo dogodit,tamo bija,ali ništa odo toga,a onda mi je niko nakon nikoga vrimena reka da kako ja ča san u MO-u neznan da se bakalar dili tamo u staru školu u prostorije od maškar,a pitan ja ovega,kako ti to znaš,a da je bila obavijest na fejsu,da če se u slučaju lošega vrimena,bakalar tamo dilit,ajde pak,a kad ja niman fejs,govorin ja ovemu,a ko ti je kriv,govori on meni,ali ni moja mater nima fejs,govorin ja ovemu,ni tri dila svita ga nima,a ako se turnila informacija o diljenju bakalara deset dan prije i svit zna da če to bit na Mulu,a oli je teško oti dan,eto ne triba na plakatu,ali bar na komadiman karte veličine A4 napisat obavijest kako se bakalar dili na rezervnoj lokaciji,a i još zanimljivije od svega je,kako uopče nije bilo grubo vrime,kiša je i uru ipo pri podile bakalara prestala,a pa se moglo malo i prolongirat,ka ča su to npr. u Splitu učinili,ali ne,a zamisli da se oti livi bakalar poklopija sa diljenjen onega tradicionalnoga,desnoga bakalara u Matele ča se dili okolo jedanaest uri,koji se događaj zbija vanka,ka i oni u Splitu…
I još ništo,zašto san ja sad oba ovemu svemu pisa?
A zato,jerbo me satralo kako se ovi bakalar dilija u organizaciji Sučuračkoga Mjesnoga Odbora,ne nije ga dilija Mjesni Odbor,jerbo da bi se to dogodilo,mi,viječnici Mjesnoga Odbora,na sjednici smo tribali oba tomen donit odluku,sad nema veze ko bi bija za ko protiv,ali večina bi izglasala da bakalar bude i to se onda more zvat da je bakalar dilija Mjesni Odbor,jerbo san ja i ostali iz opozicije,nakon dogovora nji večine između sebe,da če se to dogodit,samo emajlon obaviješteni da če to bit,a oni mislidu da tako to funkcionira,a kad nije to tako,morete Vi jemat večinu,ma se zna di se i kako se odluke Mjesnoga Odbora donosidu,a to je na Sjednicaman Viječa Mjesnoga Odbora,ovo se moglo reč kako su bakalar dilili članovi koji imaju večinu u Mjesnome odboru,zajedno sa dvojicom sučurački viječnika koji su isto tako iz HDZ-a, a nikako Mjesni Odbor.